|
Die Zahnärzt
De Zahnarzt is de eenzisch Mann,
Bei dem mer's Maul' uff reiße kann
Soweit mer will! Ja ja, mein Schiewer,
Ich glaab, je weiter uff - je liewerl
Was wär dann heit die Welt noch wert,
Gäb's nit die Zahnärzt uff de Erd?!
Vum Nordpol bis uff Edekowe
De'n alle Mensche jammre, dowe,
Weil's Zah(n) weh un de Nerv dut zwacke
Un niemand häält den dicke Backel
Gäb's ken Dentischt, wu iwer Nacht
Die schencht Prothes un Brück heit macht,
Hett manchi Schänheit rank und schlank
Mit Sex appeal un Asche blank
Statt rotem Mailche, sieß un schee(n)
En Friedhof owe ohne Zäh(n)!
Ja, Zäh(n) die braucht mer - nit vergesse
For schee(n) zu sei(n) un for ze esse!
Ich kenn e jungi, schick! Fraa,
Die dut en falsche Zopp als tra',
Dezu noch rechts e glasnes Aag
Un noch e Kunschtgebiß am Dag.
Nachts gleicht ehr'n Nachtdisch -'s is en Schlager
'me richdische Ersatzdeil-Lagerl
Doch iwer Dag hot die's Geriß,
Hauptsächlich wege'm schee Gebiß!
For die wär's schun e iwli Gschicht,
Gäb's heit ken Zah(n)arzt un Dentischtl
Die Gutsel-Induschtrie im Land
Schafft mit de Zahnärzt Hand in Hand.
S i e liwwert die kabuttne Zäh(n),
E r macht se widder nei un schee(n).
Kaufmännisch häßt mer so en Dreh
"Intress'gemeinschaft", korz IG«! En Zah(n)arzt - wär er noch so gsund –
Lebt "vun de Hand" bloß "in de Mund"!
Schauspieler muß er aa noch sei(n).
Er lacht der glatt ins Gsicht enei(n),
Dieweil er hinnerum ganz schlicht
Die blanke Mordwerkzeige" richtl
Dann kummt er aus ein Hinnergrund.
Du folgscht ein gspannt mit uff nem Mund
Un siehscht en Aug um Auge" a(n)!
Er zieht dir dofor Zah(n) um Zah(n)"! |
