Wu die Wälder s'Dorf umschließen

un vun Felse Kreize grießen,

wu mer sacht schtatt träumen "träme",

in däm Dorf sinn mer dehäme !

Wu mer singt unn wu mer lacht

unn wu gure Schuch wänn gemacht,

wu de Queichbach s'Dorf durchquert,

do häm mer unser Schbrooch gelehrt.

Wu e Kerch schteht wie e Dom,

daß mer mänt, mer wer in Rom,

wu gebaut wärt druff unn druff,

in däm Dorf do wachse mer uff.

Wä des Dorf säj Hämet nännt

unn hat sich devu getrännt,

dä kann sicher nitt vegässe,

wu er esch in de Schulbank g'sässe !

Sou e Dörf'l gäbts blouß äns,

eb noh, eb weit, e jeder kännts:

S'esch Häschde in de Hinnerpalz,

un mer bitten:"Gott erhalt's".